Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Vagatur omnis turba sordidae chortis,
  2. Argutus anser gemmeique pavones
  3. Nomenque debet quae rubentibus pinnis
  4. Et picta perdix Numidicaeque guttatae
  5. Et impiorum phasiana Colchorum;
  6. Rhodias superbi feminas premunt galli;
  7. Sonantque turres plausibus columbarum,
  8. Gemit hinc palumbus, inde cereus turtur.
  9. Avidi secuntur vilicae sinum porci
  10. Matremque plenam mollis agnus expectat.
  11. Cingunt serenum lactei focum vernae
  12. Et larga festos lucet ad lares silva.