Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Tu tamen hunc fieri si mavis, Regule, primum,
  2. Unum de titulo tollere iota potes.
  1. Hoc tibi quidquid id est longinquis mittit ab oris
  2. Gallia Romanae nomine dicta togae.
  3. Hunc legis et laudas librum fortasse priorem:
  4. Illa vel haec mea sunt, quae meliora putas.