Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Si tibi talis erit, qualem dilecta Catullo
  2. Lesbia plorabat, hic habitare potest.
  1. Artis ebur medicae narthecia cernis: habebis
  2. Munera, quae cuperet Paccius esse sua.
  1. Ludite lascivi, sed tantum ludite, servi:
  2. Haec signata mihi quinque diebus erunt.
  1. Invisae nimium pueris grataeque magistris,
  2. Clara Prometheo munere ligna sumus.
  1. Ne mendica ferat barbati prandia nudi
  2. Dormiat et tetrico cum cane, pera rogat.