Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hic tibi nocturnos praestabit cereus ignes:
  2. Subducta est puero namque lucerna tuo.
  1. Nomina candelae nobis antiqua dederunt:
  2. Non norat parcos uncta lucerna patres.
  1. Esse vides lignum; servas nisi lumina, fiet
  2. De candelabro magna lucerna tibi.
  1. Haec quae difficili turget paganica pluma,
  2. Folle minus laxast et minus arta pila.