Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Pax me certa ducis placidos curvavit in usus.
  2. Agricolae nunc sum, militis ante fui.
  1. Cum fieret tristis solvendis auctio nummis,
  2. Haec quadringentis milibus empta fuit.
  1. Tondendis haec arma tibi sunt apta capillis;
  2. Unguibus hic longis utilis, illa genis.
  1. Selectos nisi das mihi libellos,
  2. Admittam tineas trucesque blattas.
  1. Dat chartis habiles calamos Memphitica tellus;
  2. Texantur reliqua tecta palude tibi.
  1. Dulcis conscia lectuli lucerna,
  2. Quidquid vis facias licet, tacebo.
  1. Ancillam tibi sors dedit lucernae,
  2. Totas quae vigil exigit tenebras.