Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Quid faciet nullos hic inventura capillos
  2. Multifido buxus quae tibi dente datur?
  1. Chattica Teutonicos accendit spuma capillos:
  2. Captivis poteris cultior esse comis.
  1. Si mutare paras longaevos cana capillos,
  2. Accipe Mattiacas—quo tibi calva?—pilas.
  1. Accipe quae nimios vincant umbracula soles:
  2. Sit licet et ventus, te tua vela tegent.
  1. In Pompeiano tecum spectabo theatro:
  2. Mandatus populo vela negare solet.
  1. Excipient apros expectabuntque leones,
  2. Intrabunt ursos, sit modo firma manus.