Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hic brevis ad numeros rapidum qui colligit unguem,
  2. Venit ab auriferis gentibus Astur equus.
  1. Non sibi, sed domino venatur vertragus acer,
  2. Inlaesum leporem qui tibi dente feret.
  1. Non amo quod vincat, sed quod succumbere novit
  2. Et didicit melius τὴν ἐπικλινοπάλην.
  1. Callidus emissas eludere simius hastas,
  2. Si mihi cauda foret, cercopithecus eram.