Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Lassus Amyclaea poteris requiescere pluma,
  2. Interior cycni quam tibi lana dedit.
  1. Fraudata tumeat fragilis tibi culcita mula.
  2. Non venit ad duros pallida cura toros.
  1. Redde pilam: sonat aes thermarum. Ludere pergis?
  2. Virgine vis sola lotus abire domum.
  1. Splendida cum volitant Spartani pondera disci,
  2. Este procul, pueri: sit semel ille nocens.
  1. Reddidit Eurydicen vati: sed perdidit ipse,