Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Si sine carne voles ientacula sumere frugi,
  2. Haec tibi Vestino de grege massa venit.
  1. Non quemcumque focum nec fumum caseus omnem,
  2. Sed Velabrensem qui bibit, ille sapit.
  1. Trebula nos genuit; commendat gratia duplex,
  2. Sive levi flamma, sive domamur aqua.
  1. Cum sit anus coniunx et sint tibi mortua membra,
  2. Nil aliud bulbis quam satur esse potes.