Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Matutine cliens, urbis mihi causa relictae,
  2. Atria, si sapias, ambitiosa colas.
  3. Non sum ego causidicus, nec amaris litibus aptus,
  4. Sed piger et senior Pieridumque comes;
  5. Otia me somnusque iuvant, quae magna negavit
  6. Roma mihi: redeo, si vigilatur et hic.
  1. Sic tanquam tabulas scyphosque, Paule,
  2. Omnes archetypos habes amicos.
  1. Lintea ferret Apro vatius cum vernula nuper
  2. Et supra togulam lusca sederet anus
  3. Atque olei stillam daret enterocelicus unctor,
  4. Udorum tetricus censor et asper erat: