Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Da veniam, servire meis quod nolo Kalendis,
  2. Et qua sum genitus, vivere luce volo.
  3. Natali pallere suo, ne calda Sabello
  4. Desit; et ut liquidum potet Alauda merum,
  5. Turbida sollicito transmittere Caecuba sacco;
  6. Atque inter mensas ire, redire suas;
  7. Excipere hos illos, et tota surgere cena
  8. Marmora calcantem frigidiora gelu:
  9. Quae ratio est, haec sponte sua perferre patique,
  10. Quae te si iubeat rex dominusque, neges?
  1. Versus et breve vividumque carmen