Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Tu melior, quae deserto raptore redisti,
  2. Illa virum voluit nec repetita sequi.
  3. Ridet et Iliacos audit Menelaus amores:
  4. Absolvit Phrygium vestra rapina Parim.
  5. Accipient olim cum te loca laeta piorum,
  6. Non erit in Stygia notior umbra domo:
  7. Non aliena videt, sed amat Proserpina raptas:
  8. Iste tibi dominam conciliabit amor.