Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Si vitare velis acerba quaedam
  2. Et tristis animi cavere morsus,
  3. Nulli te facias nimis sodalem:
  4. Gaudebis minus et minus dolebis.
  1. Tamquam simpliciter mecum, Callistrate, vivas,
  2. Dicere percisum te mihi saepe soles.
  3. Non es tam simplex, quam vis, Callistrate, credi.
  4. Nam quisquis narrat talia, plura tacet.
  1. Libras quattuor aut duas amico
  2. Algentemque togam brevemque laenam,