Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Nec te blanditiae, nec verba rudesve querellae,
  2. Nec te dente tuo saucia colla movent?
  3. A facinus! tunica patet inguen utrimque levata,
  4. Inspiciturque tua mentula facta manu.
  5. Si te delectat numerata pecunia, vende
  6. Argentum, mensas, murrina, rura, domum;
  7. Vende senes servos, ignoscent, vende paternos:
  8. Ne pueros vendas, omnia vende, miser.
  9. Luxuria est emere hos—quis enim dubitatve negatve?—,
  10. Sed multo maior vendere luxuria est.