Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Nunc furtiva lucri fieri bombycina possunt,
  2. Profertur Cosmi nunc mihi siccus onyx;
  3. Amphora nunc petitur nigri cariosa Falerni,
  4. Expiet ut somnos garrula saga tuos;
  5. Nunc ut emam grandemve lupum mullumve bilibrem,
  6. Indixit cenam dives amica tibi.
  7. Sit pudor et tandem veri respectus et aequi:
  8. Nil tibi, Phylli, nego; nil mihi, Phylli, nega.