Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Desine; non possum libertum ferre Catonem.
  2. Esse virum iam me dicet amica tibi.
  1. Formosam Glyceran amat Lupercus
  2. Et solus tenet imperatque solus.
  3. Quam toto sibi mense non fututam
  4. Cum tristis quereretur et roganti
  5. Causam reddere vellet Aeliano,
  6. Respondit, Glycerae dolere dentes.
  1. Indulget pecori nimium dum pastor Amyntas
  2. Et gaudet fama luxuriaque gregis,
  3. Cedentes oneri ramos silvamque fluentem
  4. Vicit, concussas ipse secutus opes.
  5. Triste nemus dirae vetuit superesse rapinae
  6. Damnavitque rogis noxia ligna pater.
  7. Pingues, Lygde, sues habeat vicinus Iollas:
  8. Te satis est nobis adnumerare pecus.
  1. Vivida cum poscas epigrammata, mortua ponis
  2. Lemmata. Quid fieri, Caeciliane, potest?