Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Hoc omne agelli mite parvuli numen
  2. Seu tu cruore sive ture placabis:
  3. 'Ubicumque vester Martialis est,' dices,
  4. 'Hac, ecce, mecum dextera litat vobis
  5. Absens sacerdos; vos putate praesentem
  6. Et date duobus quidquid alter optabit.'
  1. Si prior Euganeas, Clemens, Helicaonis oras
  2. Pictaque pampineis videris arva iugis,
  3. Perfer Atestinae nondum vulgata Sabinae
  4. Carmina, purpurea sed modo culta toga.
  5. Ut rosa delectat, metitur quae pollice primo,