Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Venator leporem, colonus haedum,
  2. Piscator ferat aequorum rapinas.
  3. Si mittit sua quisque, quid poetam
  4. Missurum tibi, Restitute, credis?
  1. Omnes persequeris praetorum, Cotta, libellos;
  2. Accipis et ceras. Officiosus homo es.
  1. Iuno labor, Polyclite, tuus et gloria felix,
  2. Phidiacae cuperent quam meruisse manus,
  3. Ore nitet tanto, quanto superasset in Ide
  4. Iudice convictas non dubitante deas.
  5. Iunonem, Polyclite, suam nisi frater amaret,
  6. Iunonem poterat frater amare tuam.
  1. Quid vellis vetulum, Ligeia, cunnum?
  2. Quid busti cineres tui lacessis?
  3. Tales munditiae decent puellas
  4. —Nam tu iam nec anus potes videri—;
  5. Istud, crede mihi, Ligeia, belle
  6. Non mater facit Hectoris, sed uxor.
  7. Erras, si tibi cunnus hic videtur,