Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Quicumque Odrysias bibunt pruinas,
  2. Sic semper liquidis fruaris undis,
  3. Nec te barbara contumeliosi
  4. Calcatum rota conterat bubulci;
  5. Sic et cornibus aureis receptis
  6. Et Romanus eas utraque ripa:
  7. Traianum populis suis et urbi,
  8. Thybris te dominus rogat, remittas.
  1. Nubere Paula cupit nobis, ego ducere Paulam
  2. Nolo: anus est. Vellem, si magis esset anus.