Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Os blaesum tibi debilisque lingua est,
  2. Nobis filia fortius loquetur:
  3. Tam dispar aquilae columba non est,
  4. Nec dorcas rigido fugax leoni.
  5. Quare desine me vocare fratrem,
  6. Ne te, Charmenion, vocem sororem.
  1. Quis, rogo, tam durus, quis tam fuit ille superbus,
  2. Qui iussit fieri te, Theopompe, cocum?
  3. Hanc aliquis faciem nigra violare culina
  4. Sustinet, has uncto polluit igne comas?