Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. O nox omnis et hora, quae notata est
  2. Caris litoris Indici lapillis!
  3. O quae proelia, quas utrimque pugnas
  4. Felix lectulus et lucerna vidit
  5. Nimbis ebria Nicerotianis!
  6. Vixisti tribus, o Calene, lustris:
  7. Aetas haec tibi tota conputatur
  8. Et solos numeras dies mariti.
  9. Ex illis tibi si diu rogatam
  10. Lucem redderet Atropos vel unam,
  11. Malles, quam Pyliam quater senectam.
  1. Consule te Bruto quod iuras, Lesbia, natam,
  2. Mentiris. Nata es, Lesbia, rege Numa?