Epigrammata

Martial

Martial. M. Valerii Martialis Epigrammata. Heraeus, Wilhelm, editor; Borovskij, Jacobus, editor. Stuttgart: Teubner, 1925. Reprinted with corrections in 1976.

  1. Publica quem primum vota precesque vocant,
  2. Pervius exiguos habitabas ante penates,
  3. Plurima qua medium Roma terebat iter:
  4. Nunc tua Caesareis cinguntur limina donis,
  5. Et fora tot numeras, Iane, quot ora geris.
  6. At tu, sancte pater, tanto pro munere gratus,
  7. Ferrea perpetua claustra tuere sera.
  1. Quam mihi mittebas Saturni tempore lancem,
  2. Misisti dominae, Sextiliane, tuae;
  3. Et quam donabas dictis a Marte Kalendis,
  4. De nostra prasina est synthesis empta toga.
  5. Iam constare tibi gratis coepere puellae: