Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. ‘Haec exempla para felicibus, at mea Clotho
  2. et Lachesis gaudent, si pascitur inguine venter,
  3. o parvi nostrique Lares, quos ture minuto
  4. aut farre et tenui soleo exorare corona,
  5. quando ego figam aliquid, quo sit mihi tuta senectus
  6. a tegete et baculo? viginti milia faenus
  7. pigneribus positis, argenti vascula puri,
  8. sed quae Fabricius censor notet, et duo fortes
  9. de grege Moesorum. qui me cervice locata
  10. securum iubeant clamoso insistere circo;