Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nunc mihi quid suades post damnum temporis et spes
  2. deceptas? festinat enim decurrere velox
  3. flosculus angustae miseraeque brevissima vitae
  4. portio; dum bibimus, dum serta unguenta puellas
  5. poscimus, obrepit non intellecta senectus.’
  6. Ne trepida, numquam pathicus tibi derit amicus
  7. stantibus et salvis his collibus: undique ad illos
  8. convenient et carpentis et navibus omnes
  9. qui digito scalpunt uno caput, altera maior
  10. spes superest; tu tantum erucis inprime dentem.
  11. gratus eris; tu tantum erucis inprime dentem.[*](Ψ omits. After line 134, P has this line, being mainly a repetition of that line. Housman conjectures an omission of five words, and reads the lines thus: altera maior spes superest; turbae, properat quae crescere, molli gratus eris, tu tantum erucis imprime dentom.)
  12. ‘Haec exempla para felicibus, at mea Clotho
  13. et Lachesis gaudent, si pascitur inguine venter,
  14. o parvi nostrique Lares, quos ture minuto
  15. aut farre et tenui soleo exorare corona,
  16. quando ego figam aliquid, quo sit mihi tuta senectus
  17. a tegete et baculo? viginti milia faenus
  18. pigneribus positis, argenti vascula puri,
  19. sed quae Fabricius censor notet, et duo fortes
  20. de grege Moesorum. qui me cervice locata