Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. baltea? nec derit qui te per compita quaerat
  2. nolentem et miseram vinosus inebriet aurem,
  3. illos ergo roges quidquid paulo ante petebas
  4. a nobis, taceant illi. sed prodere malunt
  5. arcanum, quam subrepti potare Falerni
  6. pro populo faciens quantum Saufeia bibebat,
  7. vivendum recte cum propter plurima tum est his[*](tum est his. So Housman instead of the tunc est of PA.)
  8. idcirco ut possis linguam contemnere servi.[*](After 9.118 PA; after 9.123 Ψ.)
  9. praecipue causis, ut linguas mancipiorum
  10. contemnas, nam lingua mali pars pessima servi;
  11. deterior tamen hic qui liber non erit illis,
  12. quorum animas et farre suo custodit et aere.
  13. ‘Utile consilium modo, sed commune, dedisti,
  14. nunc mihi quid suades post damnum temporis et spes
  15. deceptas? festinat enim decurrere velox
  16. flosculus angustae miseraeque brevissima vitae
  17. portio; dum bibimus, dum serta unguenta puellas
  18. poscimus, obrepit non intellecta senectus.’
  19. Ne trepida, numquam pathicus tibi derit amicus
  20. stantibus et salvis his collibus: undique ad illos