Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. dissimilem: quippe ille deis auctoribus ultor
  2. patris erat caesi media inter pocula, sed nec
  3. Electrae iugulo se polluit aut Spartam
  4. sanguine coniugii, nullis aconita propinquis
  5. miscuit, in scaena numquam cantavit Orestes,
  6. Troica non scripsit, quid enim Verginius armis
  7. debuit ulcisci magis aut cum Vindice Galba,
  8. quod[*](quod Madvig: quid PΨ.) Nero tam saeva crudaque tyrannide fecit?
  9. haec opera atque hae sunt generosi principis artes,
  10. gaudentis foedo peregrina ad pulpita cantu
  11. prostitui Graiaeque apium meruisse coronae,
  12. maiorum effigies habeant insignia vocis,
  13. ante pedes Domiti longum tu pone Thyestae
  14. syrma vel Antigones vel personam Melanippes,
  15. et de marmoreo citharam suspende colosso.
  16. Quid, Catilina, tuis natalibus atque Cethegi
  17. inveniet quisquam sublimius? arma tamen vos
  18. nocturna et flammas domibus templisque paratis,
  19. ut bracatorum pueri Senonumque minores,
  20. ausi quod liceat tunica punire molesta.