Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Defensor culpae dicet mihi ‘fecimus et nos
  2. haec iuvenes.’ esto, desisti nempe nec ultra
  3. fovisti errorem, breve sit quod turpiter audes;
  4. quaedam cum prima resecentur crimina barba,
  5. indulge veniam pueris: Lateranus ad illos
  6. thermarum calices inscriptaque lintea vadit
  7. maturus bello Armeniae Syriaeque tuendis
  8. amnibus et Rheno atque Histro; praestare Neronem
  9. securum valet haec aetas, mitte Ostia, Caesar,
  10. mitte, sed in magna legatum quaere popina;
  11. invenies aliquo cum percussore iacentem,