Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. conspicuus longe cunctisque notabilis intrat
  2. balnea nec dubie custodem vitis et horti
  3. provocat a domina factus spado, dormiat ille
  4. cum domina, sed tu iam durum, Postume, iamque
  5. tondendum eunucho Bromium committere noli.
  6. Si gaudet cantu, nullius fibula durat
  7. vocem vendentis praetoribus, organa semper
  8. in manibus, densi radiant testudine tota
  9. sardonyches; crispo numerantur pectine chordae,
  10. quo tener Hedymeles operas dedit: hunc tenet, hoc se
  11. solatur, gratoque indulget basia plectro.
  12. quaedam de numero Lamiarum ac nominis Appi
  13. et farre et vino Ianum Vestamque rogabat,
  14. an Capitolinam deberet Pollio quercum
  15. sperare et fidibus promittere, quid faceret plus
  16. aegrotante viro, medicis quid tristibus erga
  17. filiolum? stetit ante aram nec turpe putavit
  18. pro cithara velare caput dictataque verba
  19. pertulit, ut mos est, et aperta palluit agna.
  20. dic mihi nunc quaeso, die, antiquissime divom,