Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. vivebant homines, qui rupto robore nati
  2. compositive luto nullos habuere parentes.
  3. multa Pudicitiae veteris vestigia forsan
  4. aut aliqua exstiterint et sub Iove, set Iove nondum
  5. barbato, nondum Graecis iurare paratis
  6. per caput alterius, cum furem nemo timeret
  7. caulibus et pomis, et aperto viveret horto.
  8. paulatim deinde ad superos Astraea recessit
  9. hac comite, atque duae pariter fugere sorores.
  10. Anticum et vetus est alienum, Postume, lectum
  11. concutere atque sacri genium contemnere fulcri.