Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. et quamvis rarum tamen inputat. ergo duos post
  2. si libuit menses neglectum adhibere clientem,
  3. tertia ne vacuo cessaret culcita lecto,
  4. una simus, ait. votorum summa! quid ultra
  5. quaeris? habet Trebius propter quod rumpere somnum
  6. debeat et ligulas dimittere, sollicitus ne
  7. tota salutatrix iam turba peregerit orbem,
  8. sideribus dubiis aut illo tempore quo se
  9. frigida circumagunt pigri serraca Bootae.
  10. Qualis cena tamen! vinum quod sucida nolit
  11. lana pati: de conviva Corybanta videbis.
  12. iurgia proludunt, sed mox et pocula torques
  13. saucius et rubra deterges vulnera mappa,
  14. inter vos quotiens libertorumque cohortem