Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. ‘nemo petit, modicis quae mittebantur amicis
  2. a Seneca, quae Piso bonus, quae Cotta solebat
  3. largiri; namque et titulis et fascibus olim
  4. maior habebatur donandi gloria, solum
  5. poscimus ut cenes civiliter, hoc face et esto,
  6. esto, ut nunc multi, dives tibi, pauper amicis.’
  7. Anseris ante ipsum magni iecur, anseribus par
  8. altilis, et flavi dignus ferro Meleagri
  9. spumat[*](spumat PSA: fumat Ψ.) aper. post hunc tradentur tubera, si ver
  10. tunc erit et facient optata tonitrua cenas
  11. maiores. tibi habe frumentum, Alledius inquit,