Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. astrorum ignoro; funus promittere patris
  2. nec volo nec possum; ranarum viscera numquam
  3. inspexi; ferre ad nuptam quae mittit adulter,
  4. quae mandat, norunt alii; me nemo ministro
  5. fur erit, atque ideo nulli comes exeo tamquam
  6. mancus et extinctae corpus non utile dextrae,
  7. quis nunc diligitur nisi conscius et cui fervens
  8. aestuat occultis animus semperque tacendis?
  9. nil tibi se debere putat, nil conferet umquam,
  10. participem qui te secreti fecit honesti:
  11. carus erit Verri qui Verrem tempore quo vult
  12. accusare potest, tanti tibi non sit opaci
  13. omnis harena Tagi quodque in mare volvitur aurum,
  14. ut somno careas ponendaque praemia sumas