Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Quis numerare queat felicis praemia, Galli,
  2. militiae? nam si subeuntur prospera castra,
  3. me pavidum excipiat tironem porta secundo
  4. sidere, plus-etenim fati valet hora benigni
  5. quam si nos Veneris commendet epistula Marti
  6. et Samia genetrix quae delectatur harena.
  7. Commoda tractemus primum communia, quorum
  8. haut minimum illud erit, ne te pulsare togatus
  9. audeat, immo etsi pulsetur, dissimulet nec
  10. audeat excussos praetori ostendere dentes