Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. squaloremque rei, pupillum ad iura vocantem
  2. circumscriptorem, cuius manantia fletu
  3. ora puellares faciunt incerta capilli.
  4. naturae imperio gemimus, cum funus adultae
  5. virginis occurrit vel terra clauditur infans
  6. et minor igne rogi. quis enim bonus et face dignus
  7. arcana, qualem Cereris vult esse sacerdos,
  8. ulla aliena sibi credit mala? separat hoc nos
  9. a grege mutorum, atque ideo venerabile soli
  10. sortiti ingenium divinorumque capaces