Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. passum et municipes Iovis advexisse lagonas?
  2. hic tamen ancipiti figens vestigia planta
  3. victum illa mercede parat, brumamque famemque
  4. illa reste cavet: tu propter mille talenta
  5. et centum villas temerarius, aspice portus
  6. et plenum magnis trabibus mare: plus hominum es iam
  7. in pelago, veniet classis quocumque vocarit
  8. spes lucri, nec Carpathium Gaetulaque tantum
  9. aequora transiliet, sed longe Calpe relicta
  10. audiet Herculeo stridentem gurgite solem.