Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quam tu, Corycia semper qui puppe moraris,
  2. atque habitas, Coro semper tollendus et Austro,
  3. perditus ac vilis[*](ac vilis P etc.: a siculis Ψ: ac similis conjecture Housman: assiculis Büch. (1910).) sacci mercator olentis,
  4. qui gaudes pingue antiquae de litore Cretae
  5. passum et municipes Iovis advexisse lagonas?
  6. hic tamen ancipiti figens vestigia planta
  7. victum illa mercede parat, brumamque famemque
  8. illa reste cavet: tu propter mille talenta
  9. et centum villas temerarius, aspice portus
  10. et plenum magnis trabibus mare: plus hominum es iam
  11. in pelago, veniet classis quocumque vocarit
  12. spes lucri, nec Carpathium Gaetulaque tantum
  13. aequora transiliet, sed longe Calpe relicta