Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. composuit; si vis aliam decerpere ficum
  2. atque alias tractare rosas, medicamen habendum est,
  3. sorbere ante cibum quod debeat et pater et rex.’
  4. Monstro voluptatem egregiam, cui nulla theatra,
  5. nulla aequare queas praetoris pulpita lauti,
  6. si spectes quanto capitis discrimine constent
  7. incrementa domus, aerata multus in arca
  8. fiscus et ad vigilem ponendi Castora nummi,
  9. ex quo Mars Vltor galeam quoque perdidit et res
  10. non potuit servare suas. ergo omnia Florae
  11. et Cereris licet et Cybeles aulaea relinquas:
  12. tanto maiores humana negotia ludi.
  13. an magis oblectant animum iactata petauro
  14. corpora quique solet rectum descendere funem,
  15. quam tu, Corycia semper qui puppe moraris,
  16. atque habitas, Coro semper tollendus et Austro,
  17. perditus ac vilis[*](ac vilis P etc.: a siculis Ψ: ac similis conjecture Housman: assiculis Büch. (1910).) sacci mercator olentis,
  18. qui gaudes pingue antiquae de litore Cretae
  19. passum et municipes Iovis advexisse lagonas?
  20. hic tamen ancipiti figens vestigia planta