Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. dirue Maurorum attegias, castella Brigantum,
  2. ut locupletem aquilam tibi sexagesimus annus
  3. adferat, aut longos castrorum ferre labores
  4. si piget et trepidum solvunt tibi cornua ventrem
  5. cum lituis audita, pares quod vendere possis
  6. pluris dimidio, nec te fastidia mercis
  7. ullius subeant ablegandae Tiberim ultra,
  8. neu credas ponendum aliquid discriminis inter
  9. unguenta et corium; lucri bonus est odor ex re
  10. qualibet, illa tuo sententia semper in ore
  11. versetur dis atque ipso Iove digna poeta:
  12. unde habeas quaerit nemo, sed oportet habere.
  13. hoc monstrant vetulae pueris repentibus assae,
  14. hoc discunt omnes ante alpha et beta puellae.’
  15. Talibus instantem monitis quemcumque parentem
  16. sic possem adfari: ‘dic, o vanissime, quis te
  17. festinare iubet? meliorem praesto magistro
  18. discipulum, securus abi: vincens ut Aiax
  19. praeteriit Telamonem, ut Pelea vicit Achilles,
  20. parcendum est teneris, nondum implevere medullas