Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. a scrobe vel sulco redeuntibus altera cena
  2. amplior et grandes fumabant pultibus ollae:
  3. nunc modus hic agri nostro non sufficit horto.
  4. Inde fere scelerum causae, nec plura venena
  5. miscuit aut ferro grassatur saepius ullum
  6. humanae mentis vitium quam saeva cupido
  7. inmodici census, nam dives qui fieri vult,
  8. et cito vult fieri; sed quae reverentia legum,
  9. quis metus aut pudor est umquam properantis avari?
  10. ‘vivite contenti casulis et collibus istis,
  11. o pueri,’ Marsus dicebat et Hernicus olim
  12. Vestinusque senex; ‘panem quaeramus aratro,
  13. qui satis est mensis; laudant hoc numina ruris,
  14. quorum ope et auxilio gratae post munus aristae