Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. Sed qui sermones, quam foedae[*](foedaeΨ: foede PG.) bucina famae!
  2. quid nocet haec? inquit, ‘tunicam mihi malo lupini
  3. quam si me toto laudet vicinia pago
  4. exigui ruris paucissima farra secantem.’
  5. scilicet et morbis et debilitate carebis,
  6. et luctum et curam effugies, et tempora vitae
  7. longa tibi posthac fato meliore dabuntur,
  8. si tantum culti solus possederis agri
  9. quantum sub Tatio populus Romanus arabat.
  10. mox etiam fractis aetate ac Punica passis
  11. proelia vel Pyrrhum inmanem gladiosque Molossos
  12. tandem pro multis vix iugera bina dabantur