Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. inbuit et cogit minimas ediscere sordes;
  2. mox adquirendi docet insatiabile votum.
  3. servorum ventres modio castigat iniquo
  4. ipse quoque esuriens, neque enim omnia sustinet umquam
  5. mucida caerulei panis consumere frusta,
  6. hesternum solitus medio servare minutal
  7. Septembri nec non differre in tempora cenae
  8. alterius conchem aestivam cum parte lacerti
  9. signatam vel dimidio putrique siluro,
  10. filaque sectivi numerata includere porri.
  11. invitatus ad haec aliquis de ponte negabit[*](negabitΨ: negavit PS: negabat O.).
  12. sed quo divitias haec per tormenta coactas,
  13. cum furor baut dubius, cum sit manifesta phrenesis,