Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. nempe quod haec illis natura est omnibus una.
  2. ad subitas Thracum volucres nubemque sonoram
  3. Pygmaeus parvis currit bellator in armis,
  4. mox inpar hosti raptusque per aera curvis
  5. unguibus a saeva fertur grue. si videas hoc
  6. gentibus in nostris, risu quatiare; sed illic,
  7. quamquam eadem adsidue spectentur proelia, ridet
  8. nemo, ubi tota cohors pede non est altior uno.
  9. ‘Nullane peiuri capitis fraudisque nefandae
  10. poena erit?’ abreptum crede hunc graviore catena
  11. protinus et nostro (quid plus velit ira?) necari
  12. arbitrio: manet illa tamen iactura, nec umquam
  13. depositum tibi sospes erit, sed corpore t runco