Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. quis tumidum guttur miratur in Alpibus, aut quis
  2. in Meroe crasso maiorem infante mamillam?
  3. caerula quis stupuit Germani lumina, flavam
  4. caesariem et madido torquentem cornua cirro?
  5. nempe quod haec illis natura est omnibus una.
  6. ad subitas Thracum volucres nubemque sonoram
  7. Pygmaeus parvis currit bellator in armis,
  8. mox inpar hosti raptusque per aera curvis
  9. unguibus a saeva fertur grue. si videas hoc
  10. gentibus in nostris, risu quatiare; sed illic,
  11. quamquam eadem adsidue spectentur proelia, ridet
  12. nemo, ubi tota cohors pede non est altior uno.