Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. et cadat ante Lares Gallittae victima sola
  2. tantis digna deis et captatoribus horum.
  3. alter enim, si concedas, mactare vovebit
  4. de grege servorum magna et pulcherrima quaeque
  5. corpora, vel pueris et frontibus ancillarum
  6. inponet vittas, et siqua est nubilis illi
  7. Iphigenia domi, dabit hanc altaribus, etsi
  8. non sperat tragicae furtiva piacula cervae.