Saturae

Juvenal

Juvenal. Juvenal and Persius. Ramsay, G. G., editor. London, New York: William Heinemann, G. P. Putnam's Sons, 1918.

  1. unciolam Proculeius habet, sed Gillo deuncem,
  2. partes quisque suas ad mensuram inguinis heres,
  3. accipiat sane mercedem sanguinis, et sic
  4. palleat ut nudis pressit qui calcibus anguem
  5. aut Lugudunensem rhetor dicturus ad aram.
  6. Quid referam quanta siccum iecur ardeat ira,
  7. cum populum gregibus comitum premit hic spoliator
  8. pupilli prostantis et hic damnatus inani
  9. iudicio? quid enim salvis infamia nummis?
  10. exul ab octava Marius bibit et fruitur dis
  11. iratis, at tu victrix provincia ploras.