Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Deinde Gallus inridere coepit atque linguam exertare.

Id subito perdolitum est cuidam Tito Manlio, summo genere gnato, tantum flagitium civitati adcidere, e tanto exercitu neminem prodire.

Is, ut dico, [*](ilico, Mommsen; iudico, X1.) processit neque passus est virtutem Romanam ab Gallo turpiter spoliari. [*](spurcari, Damsté.) Scuto pedestri et gladio Hispanico cinctus contra Gallum constitit.

Metu magno ea congressio in ipso ponti, utroque exercitu inspectante, facta est.

Ita, ut ante dixi, constiterunt: Gallus sua disciplina scuto proiecto cunctabundus; [*](cunctabundus, π; cantabundus, ς; cautabundus, reliqui codd.) Manlius, animo magis quam arte confisus, scuto scutum percussit atque statum Galli conturbavit.