Noctes Atticae
Gellius, Aulus
Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).
Deprecor hoc in loco vir bonus ita esse dictum putabat, ut plerumque a vulgo dicitur, quod significat valde precor et oro et supplico, in quo de praepositio ad augendum et cumulandum valet.
Quod si ita esset, frigidi sane versus forent.
Nunc enim contra omnino est; nam de praepositio, quoniam est anceps, in uno eodemque verbo duplicem vim [*](duplicem (or duum) vim, Hosius; dum, V; diversum, DZiatzko.) capit. Sic enim deprecor a Catullo dictum est, quasi detestor vel exsecror vel depello vel abominor;
contra autem valet, cum Cicero Pro P. Sulla ita dicit: Quam [*](quam, omitted by Cic.) multorum hic vitamst [*](est, Cic.; sit, V.) a Sulla deprecatus.
Item in dissuasione legis agrariae: Si quid deliquero,
nullae sunt imagines, quae me a vobis deprecentur.Sed neque solus Catullus ita isto verbo usus est. Pleni sunt adeo libri similis in hoc verbo significationis, ex quibus unum et alterum, quae subpetierant, apposui.
Q. Ennius in Erectheo non longe secus dixit quam :
signat [*]((in hoc versu deprecor) signat, Skutsch.) abigo et amolior, vel prece adhibita vel quo alio modo.
- Qui núnc (inquit) aerumna meá libertatém paro,
- Quibus sérvitutem meá miseria déprecor;