Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Quod erratum multos fugit, quamquam multa in Caesellio reprehendendo etiam per calumnias rimarentur.

Scripsit autem Caesellius Q. Ennium in XIII. Annali cor dixisse genere masculino.

Verba Caeselli subiecta sunt: Masculino genere, ut multa alia, enuntiavit Ennius. Nam in XIII. Annali quem cor dixit.

Ascripsit deinde versus Ennii duo:

  1. Hannibal audaci dum pectore de me hortatur
  2. Ne bellum faciam, quem credidit esse meum cor?
Antiochus est qui hoc dixit, Asiae rex.