Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Id vulgo dicitur aurum coronarium.

Haec antiquitus e lauru erant, post fieri ex auro coeptae.

Obsidionalis est, quam ii qui liberati obsidione sunt dant ei duci qui liberavit.

Ea corona graminea est, observarique solitum ut fieret e gramine quod in eo loco gnatum esset intra quem clausi erant qui obsidebantur.

Hanc coronam gramineam senatus populusque Romanus Q. Fabio Maximo dedit bello Poenorum secundo, quod urbem Romam obsidione hostium liberasset.

Civica corona appellatur, quam civis civi a quo in proelio servatus est testem vitae salutisque perceptae dat.