Noctes Atticae

Gellius, Aulus

Gellius, Aulus. The Attic Nights of Aulus Gellius. Rolfe, John C., editor. Cambridge, Mass.; London: Harvard University Press; William Heinemann, 1927 (printing).

Cum Graecum autem vocabulum sit soloecismus, an Attici homines qui elegantius locuti sunt usi eo

sint quaeri solet.

Sed nos neque soloecismum neque apud Graecorum idoneos adhuc invenimus;

nam sicut βάρβαρον ita σόλοικοι dixerunt.

Nostri quoque antiquiores soloecum facile, soloecismum haut scio an umquam, dixerunt.

Quod si ita est, neque in Graeca neque in Latina lingua soloecismus probe dicitur.

Pluria qui dicat et compluria et compluriens non barbare dicere, sed Latine.